Þeir sem búa í miðborg Reykjavíkur, geta skráð sig í samtökin með því að senda tölvupóst á stjorn@midbaerinn.is, þar sem fram kemur nafn, heimilisfang, netfang og símanúmer.

Félagsmenn fá sendan póst frá íbúasamtökunum, þar sem upplýsingar berast um fundi, störf stjórnar, uppákomur og ýmislegt fleira sem kann að varða íbúa miðborgarinnar.

Listaháskólinn

Íbúar í miðborg Reykjavíkur hafa margir lýst sig mótfallna því að verðlaunatillaga að Listaháskóla Íslands rísi óbreytt á reit við Laugaveg/Frakkastíg/Hverfisgötu. Íbúar mótmæla stærð hússins og hversu illa það samræmist þeim fínlega mælikvarða sem finna má í nágreninu. Íbúar mótmæla niðurrifi góðra og gamalla borgarhúsa við Laugaveg.

Íbúasamtökin hafa fagnað þeirri ákvörðun að Listaháskóli Íslands komi í miðborgina, en gera alvarlegar athugasemdir við verðlaunatillöguna. Samþykkt Íbúasamtaka miðborgar Reykjavíkur má lesa í fullri lengd hér.

Þeir sem taka undir ofangreind mótmæli geta skráð sig hér og ef þú vilt sjá hverjir hafa þegar skráð sig á listann smellið hér