ÍBÚASAMTÖK MIÐBORGAR REYKJAVÍKUR

News


Fréttir
Um samtökin
Lög
Starfið
Fundargerðir
Greinar


Íbúasamtökin á Facebook



Stjórnarfundur 27. ágúst 2019

Fundur stjórnar Íbúasamtaka Miðborgar 27. ágúst 2019 kl. 20.00 í Spennistöðinni. Mætt: Aðalsteinn Jörundsson, Benóný Ægisson, Eva Huld Friðriksdóttir, Einar Thorlacius, Guðrún Erla Geirsdóttir og Ragnhildur Zoega.

Dagskrá:

1. Aðalfundur: Rætt um hver stjórnarmeðlima eigi að ganga úr stjórn á næsta aðalfundi og hvort þau hyggist bjóða sig fram aftur. Aðalfundur ákveðinn fimmtudaginn 17. október kl. 20. Rætt um að vera með atriði á fundinum.

2. Starfið til áramóta: Opnir fundir verða reglulega annan laugardag í hverjum mánuði. Ákveðið að á októberfundi verði fjallað um umferðamál og ferðamenn. Á nóvemberfundi fjallað um fábreytni verslunar í hverfinu, hvernig megi auka þjónustu við íbúa og etv. há fasteigngjöld á atvinnuhúsnæði.

3. Spennistöðin - íbúahús og fundur formanns með borgarstjóra: Formaður óskaði eftir fundi með borgarstjóra í maí sem enn hefur ekki orðið. Þar hyggst formaður ræða framtíð Spennistöðvar, leiktæki fyrir börn í hverfinu, hvernig íbúar geti losað sig við garðaúrgang og lífrænanúrgang, hleðslustöðvar fyrir rafbíla og skipun fulltrúa í hverfisráð.

4. Íbúaráð: Formanni falið að skrifa bréf til borgarinnar og mótmæla að í nýlega samþykktum reglum um Íbúaráð sé aðeins gert ráð fyrir einum fulltrúa frá íbúasamtökum í hvert ráð. Í okkar tilfelli eru þetta tvö hverfi, Miðborg og Hlíðar og því eðlilegt að hvort hverfið eigi sinn fulltrúa í ráðinu.

5. Kynning á ÍMR í hverfisblaði: Samþykkt hugmynd formanns að kaupa ,,frakka” utanum hverfisblaðið sem kemur út um mánaðamótin sept/okt. Ákveðið að fá eh til að taka viðtal við formann og grafískan hönnuð til að hanna frakkann. Sem og að formaður og stjórn taki saman í hvaða málum Íbúasamtökin hafa náð viðunandi árangri - af þeim sem þau hafa beitt sér í og barist fyrir. Samantektin verði birt í frakkanum.

6. Frakkastígsreitur: Samþykkt að formaður skrifi bréf þar sem mótmælt er harðlega að byggja eigi hús í nútíma stíl í stað rúmlega 100 ár gamals sérlega fallegs húss við Vatnsstíg. Það hús hafi eigandinn látið drabbast niður í meira en áratug og að lokum var kveikt í því. Farið verði fram á að hús sem komi í stað þess brunna (sem dæmt hefur verið nær ónýtt) taki að ytra útliti að fullu mið af húsinu sem fyrir var upprunalega; svo sem varðandi glugga og að það sé bárujárnsklætt.

7. Kælir í vínbúð við Austurstræti. Samþykkt að formaður skrifi forstjóra ÁTVR og fara fram á að settur verði (aftur) kælir í vínbúðina í Austurstræti.

8. Rætt um að Tjörnin sé, um þessar mundir, sérlega skítug og að það þurfi að hreinsa hana sem fyrst.

Fundi slitið kl 21.22

Guðrún Erla Geirsdóttir

Tilbaka



Gömul mynd

Gamla myndin er af Hótel Íslandi sem stóð á horni Austurstrætis og Aðalstrætis. Smellið á myndina til að stækka hana og hér má finna fleiri gamlar myndir úr miðborginni

Íbúasamtök Miðborgar Reykjavíkur - Þjónustumiðstöðinni Laugavegi 77 - 101 Reykjavík - midbaerinn@midbaerinn.is