04.11.08.

Íbúasamtök miðborgar Reykjavíkur.

Samanburður á gildandi lögum Íbúasamtaka miðborgar Reykjavíkur og samþykktum þeirra ef tillögur stjórnar um breytingar ná fram að ganga.

Gildandi lög: Samþykktir með áorðnum breytingum:

1. grein. Heiti félagsins og varnarþing Félagið heitir Íbúasamtök Miðborgar Reykjavíkur. Varnarþing félagsins er í Reykjavík.	1. gr. Heiti félagsins og varnarþing. Félagið heitir Íbúasamtök miðborgar Reykjavíkur. Varnarþing félagsins er í Reykjavík.
2. grein. Félagssvæðið Félagið er félag íbúa í Miðborginni eins og hún hefur verið afmörkuð sem hverfi á milli Suðurgötu og Garðastrætis í vestri og Snorrabrautar, Flugvallavegar og Hlíðarfótar í austri. Allir íbúar sem eiga lögheimili á svæðinu og eru 18 ára og eldri hafa kjörgengi og atkvæðisrétt á fundum félagsins.	2. gr. Félagssvæðið. Samtökin eru félag íbúa í Miðborginni eins og hún hefur verið afmörkuð sem hverfi á milli Suðurgötu og Garðastrætis í vestri og Snorrabrautar, Flugvallavegar og Hlíðarfótar í austri. Allir íbúar sem eiga lögheimili á svæðinu og eru 18 ára og eldri hafa kjörgengi og atkvæðisrétt á fundum félagsins.
3. grein. Markmið Félagið er almennt félag. Tilgangur þess og markmið er eftirfarandi: • Að stuðla að samhug og samkennd íbúa hverfisins. • Að vera samstarfsvettvangur íbúa og félagasamtaka á svæðinu. • Að vinna að framfara- og hagsmunamálum í hverfinu. • Að starfa með Hverfisráði Miðborgar og öðrum opinberum aðilum sem fara með málefni hverfisins og íbúa þess. • Að stuðla að samstarfi við íbúasamtök annarra hverfa.	3. grein. Markmið Tilgangur samtakanna og markmið er eftirfarandi: • Að efla samhug og samkennd íbúa, • að vera samstarfsvettvangur íbúa, félagasamtaka og hagsmunasamtaka á svæðinu, • að vinna að framfara- og hagsmunamálum í hverfinu, • að standa vörð um sérkenni hverfisins, • að starfa með Hverfisráði Miðborgar og öðrum opinberum aðilum sem fara með málefni hverfisins og íbúa þess og • að eiga samstarf við íbúasamtök annarra hverfa.
4. grein. Stjórn félagsins Stjórn félagsins skal skipuð sjö félagsmönnum: formanni, varaformanni, ritara, vararitara, gjaldkera og tveimur meðstjórnendum auk tveggja varamanna. Formaður félagsins er fulltrúi þess og félagsstjórnar út á við. Hann kveður til stjórnarfunda þegar þurfa þykir, þó minnst fjórum sinnum á ári. Hann semur dagskrá fyrir fundina og stjórnar þeim. Formaður hefur umsjón með starfsemi félagsins og eftirlit með því að fylgt sé lögum, reglum og fundarsamþykktum. Stjórn félagsins skal boða til funda í samræmi við samþykktir og lög félagsins. Stjórnin hefur á hendi yfirstjórn félagsins og allra félagsmála milli félagsfunda. Tveir sérstaklega kjörnir skoðunarmenn skulu yfirfara reikninga félagsins fyrir liðið reikningsár, sem er almanaksárið. Stjórn félagsins skal kosin á aðalfundi ár hvert, ennfremur tveir skoðunarmenn reikninga og einn til vara. Hljóti frambjóðendur jafnan fjölda atkvæða skal hlutkesti ráða því hver nær kjöri. Stjórnin skiptir með sér verkum.	4. gr. Stjórn félagsins. Stjórn samtakanna skipa sjö menn: formaður, varaformaður, ritari, vararitari, gjaldkeri og tveir meðstjórnendur. Að auki eru fjórir varamenn. Stjórnin skiptir sjálf með sér verkum. Henni er heimilt að kjósa framkvæmdanefnd úr sínum hópi og skilgreina umboð nefndarinnar. Stjórn er kjörin á aðalfundi. Stjórnarmenn aðrir en formaður skulu kjörnir sameiginlega og ræður afl atkvæða. Kjör skal óbundið en tilnefningar eru heimilar. Formaður samtakanna er fulltrúi þeirra og félagsstjórnar út á við. Stjórn fer með málefni samtakanna á milli félagsfunda.
5. grein. Fundarhöld Félagsfund skal boða með minnst sjö daga fyrirvara. (Breytt úr 3 í 7 á fundinum 11. mars 2008) Heimilt er að boða til fundar með skemmri fyrirvara ef nauðsyn krefur. Félagsfundur er lögmætur og ályktunarfær ef löglega hefur verið til hans boðað með auglýsingu í fjölmiðlum og/eða bréflega. Dagskrá fundar skal getið í fundarboði. Ákvarðanir lögmætra félagsfunda um málefni félagsins eru bindandi fyrir stjórn félagsins. Þar ræður afl atkvæða úrslitum með þeim takmörkunum sem lög og reglur félagsins kveða á um. Reglulegir fundir félagsins eru: Aðalfundur Aðalfund skal halda í september eða október ár hvert. Aðalfundur fer með æðsta vald í málefnum félagsins. Allir félagsmenn eiga rétt á að sitja aðalfund. Aðalfund skal boða með auglýsingu í fjölmiðlum og/eða með dreifibréfi með minnst fjórtán daga fyrirvara. (Breytt úr 7 í 14 á fundinum 11. mars 2008) Þá skulu m.a. tekin fyrir í þessari röð eftirtalin mál: 1. Skýrsla stjórnar um störf félagsins og nefnda á liðnu starfsári. 2. Endurskoðaðir reikningar félagsins. 3. Kosning formanns. 4. Kosning stjórnar og varamanna. 5. Kosning tveggja skoðunarmanna reikninga. 6. Lagabreytingar ef þeirra hefur verið getið í fundarboði. 7. Fjárhagsáætlun næsta starfsárs. 8. Kosning nefnda. 9. Starfsáætlun fram að vorfundi. 10. Önnur mál. Félagsfundi skal halda þegar ástæða þykir til. Stjórn félagsins er skylt að boða til félagsfundar ef minnst 25 félagsmenn óska eftir því skriflega og fram kemur dagskrárefni. Heimilt er stjórn félagsins að boða til sérstakra funda með félagsmönnum eða svæðum þar sem fjallað er sérstaklega um þeirra mál eða afmörkuð félagsleg málefni.	5. gr. Aðalfundur. Aðalfund skal halda að hausti ár hvert. Aðalfundur fer með æðsta vald í málefnum félagsins. Til aðalfundar skal boða alla félagsmenn með tryggilegum hætti. Hann skal einnig boða með auglýsingu í fjölmiðlum eða með bréfi sem dreift er um félagssvæðið með minnst fjórtán daga fyrirvara. Aðalfundur er lögmætur ef löglega er til hans boðað. Dagskrá aðalfundar skal vera sem hér segir: 1. Skýrsla stjórnar um störf samtakanna og nefnda á liðnu starfsári. 2. Endurskoðaðir reikningar samtakanna. 3. Kosning formanns til tveggja ára. 4. Kosning þriggja manna í stjórn og tveggja varamanna til tveggja ára. 5. Kosning tveggja skoðunarmanna reikninga. 6. Breytingar á samþykktum samtakanna ef þeirra hefur verið getið í fundarboði. 7. Fjárhagsáætlun næsta starfsárs. 8. Vinnuhópar. 9. Verkefni næsta árs. 10. Önnur mál.
6. grein. Starfshópar félagsins Stjórn félagsins og félagsfundir geta skipað starfshópa og falið þeim ákveðin verkefni eftir nánari fyrirmælum hverju sinni.	6. gr. Félagsfundir. Félagsfundi skal halda þegar ástæða þykir til. Stjórn félagsins er skylt að boða til félagsfundar ef minnst 25 félagsmenn óska eftir því skriflega og fram kemur dagskrárefni. Félagsfund skal boða með minnst sjö daga fyrirvara. Heimilt er að boða til fundar með skemmri fyrirvara ef nauðsyn krefur. Félagsfundur er lögmætur og ályktunarfær ef félagsmenn hafa verið boðaðir til hans bréflega eða með öðrum tryggilegum hætti og með auglýsingu í fjölmiðlum. Dagskrá fundar skal getið í fundarboði. Ákvarðanir lögmætra félagsfunda um málefni félagsins eru bindandi fyrir stjórn félagsins. Þar ræður afl atkvæða úrslitum með þeim takmörkunum sem samþykktir og reglur félagsins kveða á um. Heimilt er stjórn félagsins að boða til funda með félagsmönnum á afmörkuðum svæðum þar sem fjallað er sérstaklega um mál þeirra. Við boðun slíkra funda skal gæta ákvæða um fresti og dagskrá hér að framan. Stjórn samtakanna og félagsfundum er heimilt að skipa starfshópa og fela þeim verkefni eftir nánari fyrirmælum hverju sinni.
7. grein. Fjármál Félagið er ekki rekið í fjárhagslegum tilgangi. Tekjur þess eru gjafir, framlög og styrkir. Kostnað af rekstri félagsins og starfsemi þess skal greiða úr sjóðum félagsins. Stjórn félagsins ber ábyrgð á eignum félagsins og sér um að ávaxta sjóði þess á sem tryggastan hátt. Gjaldkeri félagsins hefur á hendi öll fjármál félagsins nema annað sé ákveðið í lögum og reglugerðum. Reikningsár félagsins er almanaksárið. Félagslegir skoðunarmenn reikninga skulu yfirfara reikninga félagsins fyrir liðið reikningsár og leggja fram athugasemdir sínar, ef nokkrar eru, fyrir aðalfund. Hlutverk þeirra er m.a. að hafa eftirlit með því að fjármunum félagsins sé í öllu ráðstafað í samræmi við félagsvenjur og gildandi heimildir. Að lokinni skoðun skulu þeir árita reikningana.	7. grein. Fjármál. Samtökin eru ekki rekin í fjárhagslegum tilgangi. Tekjur þess eru gjafir, framlög og styrkir. Kostnað af rekstri samtakanna og starfsemi þess skal greiða úr sjóðum þess. Stjórn samtakanna ber ábyrgð á eignum þess og sér um að ávaxta sjóði þess á sem tryggastan hátt. Gjaldkeri samtakanna og formaður bera ábyrgð á fjárreiðum þeirra Reikningsár samtakanna er á milli aðalfunda.
8. grein. Lagabreytingar Lögum þessum má breyta á aðalfundi enda hafi breytinganna verið getið í fundarboði.	8. grein. Breytingar á samþykktum samtakanna. Samþykktum þessum verður einungis breytt á aðalfundi enda hafi breytinganna verið getið í fundarboði.
9. grein. Félagsslit Félaginu verður ekki slitið nema á aðalfundi og að 2/3 hluti fundarmanna samþykki það. Auðir og ógildir seðlar teljast þá ekki með. Verði samþykkt að leggja félagið niður skal varðveita eignir þess í banka þar til annað félag er stofnað með sama tilgangi á félagssvæðinu.	9. grein. Slit á samtökunum. Samtökunum verður ekki slitið nema á aðalfundi og að 2/3 hluti fundarmanna samþykki það. Auðir og ógildir seðlar teljast þá ekki með. Verði samþykkt að leggja samtökin niður skal varðveita eignir þess í banka þar til annað félag er stofnað með sama tilgangi á félagssvæðinu.
	Ákvæði til bráðabirgða. Þrátt fyrir ákvæði 3. mgr. 5. gr. 4. tölul. skal á aðalfundi samtakanna haustið 2008 kjósa þrjá menn í stjórn til eins árs og þrjá til tveggja ára. Einnig skal kjósa tvo varmann í stjórn til eins árs og tvo til tveggja ára.